الفانوس السحري
كل العفاريت التي طلعت من المصابيح في أفلامنا.. سواء لاسماعيل ياسين أو لفريد الأطرش أتوا لأسباب مادية.. البطل فقير وغلبان.. وعفركوش هو الذي سينفخ له نفخة. فتمطر الحجرة بآلاف الجنيهات علي بطلنا.. الذي يتحول في غمضة عين الي واحد مش عارف يودي الفلوس فين.. ولقد فكرت في أن أعيد كتابه فيلم الفانوس السحري في القرن الحادي والعشرين.. ولكنني وجدت أن عفركوش صار ليس مناسبا للعصر..
كما أنه لن يستطيع أن يجلب كل هذه الملايين لبطلنا في غمضة عين.. فالعفاريت حالتها صارت تصعب علي الكافر في بلدنا.. ولذا فأنا أعمل تغييرا دراميا طفيفا حينما يدعك بطلنا المصباح ويطلع له العفريت.. فيقول له البطل: عاوز كام مليار جنيه دلوقت حالا هنا سيقول له العفريت: اشتغل في الحديد واتفرج علي العز اللي ح تشوفه.. بس بشرط يامستافا انك تصرف كل الفلوس دي في ثلاث سنين بس قوولت إييه؟!
هنا يقول البطل: وأصرف أبوهم كمان هي شغلانة افتح لي كام قناة فضائية ح يخلصوا علي الي ورايا واللي قدامي في ثلاثة أشهر مش ثلاث سنين, طيب وأنت كعفريت دورك ايه في القصة دي ياعفركوش انا مش بادعك المصباح عشان يطلع لي خبير اقتصادي.. هنا يضحك العفريت ضحكته الشهيرة..( أنا مش عارف العفاريت بيضحكوا بالطريقة دي ليه بس!!) ويقول لي: جمد قلبك وفوت في الحديد وأنا اللي ح عفرتلك الأسعار ياموستافا..
هنا ينظر بطلنا نحو عفريته بيأس واحباط.. ويقول له: طيب ياعفركوش شوف لنا أي لقمة ناكلها زي اللي جيبتهم لاسماعيل ياسين في الفيلم.. فيرد عفركوش: حاضر ياموستافا تاكل ايه!! لاحظوا أن اسمي ليس مصطفي ومع ذلك فهو يناديني بموستافا دي عمال علي بطال.. ماعلينا) أنا عاوز فرخة محمرة ياعفركوش.. هنا يبكي عفركوش ويقول.. وانفلونزا الفراخ ياموستافا.. انت مش خايف علي نفسك..
اقول له بنفاد صبر: طيب حتة لحمة ياعفركوش فيرد عفركوش في أسي: وجنون البقر ياموستافا!! طيب أعمل فيه ايه العفريت ده بأه؟! طيب اسمع ياعفركوش أنا عاوز طبق ملوخية أرديحي.. ورغيفين عيش هنا جلس عفركوش في ارهاق علي الكرسي أمامي.. وقال لي.. إنت طلباتك كلها صعبة كده ياموستافا.. لسه ح أروح اليابان عشان أجيب لك الملوخية!! قلت له: وايه اللي يوديك اليابان.. هوه أنا طالب ملوخية سونيك..
قال عفركوش. انت مش دريان بالدنيا ياموستافا مش اليابان خلاص سجلت الملوخية باسمها.. وبأت من الزراعات الياباني يعني قبل ماتزرعوها عندكوا لازم تاخدوا اذن من اليابان ياموستافا.. هنا صرخت فيه الملوخية بأت يابانية.. ازاي.. دي عندنا من أيام الحاكم بأمر الله يعني من أيام الدولة الفاطمية قال عفركوش: ما هو الحاكم بأمر الله.. كان أصله ياباني ياموستافا, قلت له طيب هات لي رغيفين عيش.. عيش حاف ياعفركوش.. فآكل عيش حاف.. وبس, ماهي دي آخرتها عامل لي عفريت وطالع لي من المصباح.. وواخد قر عليك من الدنيا كلها..
قال عفركوش: عاوز العيش امتي يامصطفي؟! صرخت فيه امتي ايه انت مش عفريت.. انفخ لك نفخة ألاقي الرغيفين بأوا في بقي ـ قال عفركوش.. ده انا عشان أجيب لك الرغيفين دول ح أقف ثلاث ساعات في طابور العيش يامصطفي.. ارحمني.. جلست بجواره أتأمله.. ثم رق له قلبي( للعفريت) وقلت له: أنت ايه اللي حصلك بس ياعفركوش.. لاعارف تعمل حاجة ولاتجيب حاجة.. حتي اسمي ماانتش عارفه.. انت عفريت نيولوك ولا ايه؟ فين العفاريت بتاعة زمان.. اللي كان لها شنة ورنة العفريت اللي كان لما يقول كلمة لازم ينفذها.. ياأخي دي كيتي الرقاصة لما بأت عفريتة وطلعت لاسماعيل ياسين كان ليها منظر عنك ايه الفشل اللي أنت فيه ده..
قال عفركوش: معلش ياموستافا..( لاحظوا أنه مش فاشل وبس.. ده مابيسجلش كمان أنا مش لسه قايل له إني ماأسميش مصطفي) احنا زمان كعفاريت كنا لما بنطلع لبني آدم.. كان بيخاف مننا ويغمي عليه ـ دلوقت.. بأينا احنا اللي بنخاف من البني آدمين اللي بيطلعولنا.. امسك الشيك ده. آخر حاجة معايا.. روح اصرفه من أي بنك.. انا بحبك ياموستافا.. واعطاني الشيك.. بس عشان انت طيب ياموستا فا ودخل المصباح.. واختفي تماما من أمامي.. كتر خيره.. وهو عمل اللي في مقدرته نظرت الي الشيك والمبلغ مش وحش.. ولكن.. ادفعوا لأمر مصطفي وشاطب الأمر ابن الجنيه.
كل العفاريت التي طلعت من المصابيح في أفلامنا.. سواء لاسماعيل ياسين أو لفريد الأطرش أتوا لأسباب مادية.. البطل فقير وغلبان.. وعفركوش هو الذي سينفخ له نفخة. فتمطر الحجرة بآلاف الجنيهات علي بطلنا.. الذي يتحول في غمضة عين الي واحد مش عارف يودي الفلوس فين.. ولقد فكرت في أن أعيد كتابه فيلم الفانوس السحري في القرن الحادي والعشرين.. ولكنني وجدت أن عفركوش صار ليس مناسبا للعصر..
كما أنه لن يستطيع أن يجلب كل هذه الملايين لبطلنا في غمضة عين.. فالعفاريت حالتها صارت تصعب علي الكافر في بلدنا.. ولذا فأنا أعمل تغييرا دراميا طفيفا حينما يدعك بطلنا المصباح ويطلع له العفريت.. فيقول له البطل: عاوز كام مليار جنيه دلوقت حالا هنا سيقول له العفريت: اشتغل في الحديد واتفرج علي العز اللي ح تشوفه.. بس بشرط يامستافا انك تصرف كل الفلوس دي في ثلاث سنين بس قوولت إييه؟!
هنا يقول البطل: وأصرف أبوهم كمان هي شغلانة افتح لي كام قناة فضائية ح يخلصوا علي الي ورايا واللي قدامي في ثلاثة أشهر مش ثلاث سنين, طيب وأنت كعفريت دورك ايه في القصة دي ياعفركوش انا مش بادعك المصباح عشان يطلع لي خبير اقتصادي.. هنا يضحك العفريت ضحكته الشهيرة..( أنا مش عارف العفاريت بيضحكوا بالطريقة دي ليه بس!!) ويقول لي: جمد قلبك وفوت في الحديد وأنا اللي ح عفرتلك الأسعار ياموستافا..
هنا ينظر بطلنا نحو عفريته بيأس واحباط.. ويقول له: طيب ياعفركوش شوف لنا أي لقمة ناكلها زي اللي جيبتهم لاسماعيل ياسين في الفيلم.. فيرد عفركوش: حاضر ياموستافا تاكل ايه!! لاحظوا أن اسمي ليس مصطفي ومع ذلك فهو يناديني بموستافا دي عمال علي بطال.. ماعلينا) أنا عاوز فرخة محمرة ياعفركوش.. هنا يبكي عفركوش ويقول.. وانفلونزا الفراخ ياموستافا.. انت مش خايف علي نفسك..
اقول له بنفاد صبر: طيب حتة لحمة ياعفركوش فيرد عفركوش في أسي: وجنون البقر ياموستافا!! طيب أعمل فيه ايه العفريت ده بأه؟! طيب اسمع ياعفركوش أنا عاوز طبق ملوخية أرديحي.. ورغيفين عيش هنا جلس عفركوش في ارهاق علي الكرسي أمامي.. وقال لي.. إنت طلباتك كلها صعبة كده ياموستافا.. لسه ح أروح اليابان عشان أجيب لك الملوخية!! قلت له: وايه اللي يوديك اليابان.. هوه أنا طالب ملوخية سونيك..
قال عفركوش. انت مش دريان بالدنيا ياموستافا مش اليابان خلاص سجلت الملوخية باسمها.. وبأت من الزراعات الياباني يعني قبل ماتزرعوها عندكوا لازم تاخدوا اذن من اليابان ياموستافا.. هنا صرخت فيه الملوخية بأت يابانية.. ازاي.. دي عندنا من أيام الحاكم بأمر الله يعني من أيام الدولة الفاطمية قال عفركوش: ما هو الحاكم بأمر الله.. كان أصله ياباني ياموستافا, قلت له طيب هات لي رغيفين عيش.. عيش حاف ياعفركوش.. فآكل عيش حاف.. وبس, ماهي دي آخرتها عامل لي عفريت وطالع لي من المصباح.. وواخد قر عليك من الدنيا كلها..
قال عفركوش: عاوز العيش امتي يامصطفي؟! صرخت فيه امتي ايه انت مش عفريت.. انفخ لك نفخة ألاقي الرغيفين بأوا في بقي ـ قال عفركوش.. ده انا عشان أجيب لك الرغيفين دول ح أقف ثلاث ساعات في طابور العيش يامصطفي.. ارحمني.. جلست بجواره أتأمله.. ثم رق له قلبي( للعفريت) وقلت له: أنت ايه اللي حصلك بس ياعفركوش.. لاعارف تعمل حاجة ولاتجيب حاجة.. حتي اسمي ماانتش عارفه.. انت عفريت نيولوك ولا ايه؟ فين العفاريت بتاعة زمان.. اللي كان لها شنة ورنة العفريت اللي كان لما يقول كلمة لازم ينفذها.. ياأخي دي كيتي الرقاصة لما بأت عفريتة وطلعت لاسماعيل ياسين كان ليها منظر عنك ايه الفشل اللي أنت فيه ده..
قال عفركوش: معلش ياموستافا..( لاحظوا أنه مش فاشل وبس.. ده مابيسجلش كمان أنا مش لسه قايل له إني ماأسميش مصطفي) احنا زمان كعفاريت كنا لما بنطلع لبني آدم.. كان بيخاف مننا ويغمي عليه ـ دلوقت.. بأينا احنا اللي بنخاف من البني آدمين اللي بيطلعولنا.. امسك الشيك ده. آخر حاجة معايا.. روح اصرفه من أي بنك.. انا بحبك ياموستافا.. واعطاني الشيك.. بس عشان انت طيب ياموستا فا ودخل المصباح.. واختفي تماما من أمامي.. كتر خيره.. وهو عمل اللي في مقدرته نظرت الي الشيك والمبلغ مش وحش.. ولكن.. ادفعوا لأمر مصطفي وشاطب الأمر ابن الجنيه.
2 comments:
طبعا مش عفريت لازم يعمل كده، ده البني ادم دلوقتي بيعمل اكتر من كده يبقى العفريت مش هايضحك علينا و يدينا شيك مشطوب الامر بتاعه.
ثانكس يا عسل على مرورك وردك
نورت التوبيك
Post a Comment